اروع قصائد لشيوخ كبار الاغنية الشعبية

في هدا الموضوع اقترح عليك مجموعة من اروع قصائد شيوخنا الشعبي

جمعتها لكم وان شاء الله اعدكم بالمزيد
فقط ملاحظة كي تطلع على القصيدة اضغط على كلمة

spoiler


نبيداو


قصيدة سبحان الله يالطيف للمرحوم الحاج العنقى

زغلول لطيف يا عريف * نحكي لك و افهم * في سن الورد والزهر باهي الأوصاف
مغرور بريشه الظريف * ماجي متخاصم * سلسيفه قال لي عندي خلاف
أوقف إذا أنت شريف * من أهل الخاتم * وريلي وين وصلاتك قوة الأكتاف
جاوبت أنا وقلت كيف * ماجي تتكلم * بكلامالغيظ واش هذا الغضبة و زعاف
ما هيشي جابها النيف * كي جيت محزم * هذيغيرة مرزمة و حسودي بزاف
ضنيتك صاحبي حليف * بي تتزعم * و ترن هقيتلي مطامر تدي للكاف
حتى و إذا أنت سخيف * من حقك تحشم * تعرفني قاطع البحور جايل الأرياف
عساك أنت اللي قصيف * للدنيا قادم * مثلكما عاش ما زهى أش اللي شاف
اللي زغلول ما ينيف * ورشان معلم * قادريرحيه في حروف ألها لام و كاف
مرقوم الريش يا رهيف * أرجع لا تندم * عندك منقار ما يحارب و جناح ضعاف
أترك الحديث العنيف * ما هوش موالم * أتركعليك لغة الغتبة و التشناف
يا ذا الزغلول يا نحيف * أرجع للمرسم * واللي بعتوك قول لهم ما همش ظراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * واللي يبقى مع التوال يقولوا زحاف

كاين اللي يجي بسيف * يبدأ يتزعم * و يقولأنا غير أنا ما كان خلاف
خصوص إذا أنت سعيف * تسكت و تسلم * ترجعفي حينها حلاسة و إلا نشاف
كاين اللي يجي تقيف * يعرف يتكلم * بالكتوب و الرسول و السادات الأشراف
يخدعك غير بالحليف * يقسم و يعظم * والسبحة راه من وراها عامل زرناف
كاين اللي يجي لهيف * بنيابه يهضم * مارواته ميات صحفة و ألف غراف
يبغي كرسي من الصديف * و كنوز العالم * اللويز و الماس و الفضاضي من كل أصناف
كاين اللي يجيك ضيف * بالقش مرزم * في يومالبرد و الشتا و الريح الزفزاف
فاتت الأمطار و الخريف * ما زال مرسم * يرجع هو مول دارك و أنت جحراف
كاين اللي يجيك عفيف * ما زاله يحلم * ذقنه ما زال ما عرف موس الحفاف
يرجع ضربان لا تصيف * زقطي متشلغم * باعكو شراك في دقيقة عند الحراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * واللي يبقى مع التوال يقولوا زحاف

لحمام إذا نسى الولفة * من بعد الحب والشغاف
خلاني في الأحزان و جفى * من دون دواس لاخلاف
هذا تحقيق به شوفة * شكيت داروا لهالثقاف
الباز إذا غاب صدفة * يهجر و يروح للتلاف
خلاها خالية الغرفة * من ذاكاليوم ما أنشاف
ضنيته صاحبي و يشفا * و ترن ثعبان فيالاجواف
عيب عليكم عار كشفة * يا أهل بلادي ياسخاف
درتوها مرتبة و حرفة * نكرتوا الخير والصناف
سومتكم ما سوات علفة * في سوق السبت والجياف
ما هي صحبة و لا معرفة * ما هي نسبة و لاحلاف
كيفاش القلب عاد يصفى * كي قطعتوهبالاطراف
من يتبعكم راح في الفا * و الرا المسبقةبقاف
يا ضيف الله جوز تدفى * رد سلامي لا تخاف
ياك جينا نايضين شرفا * والله ما نخيبوا الضياف
اجلس هنا بغير كلفة * انزع عليك ذااللحاف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * واللي يبقى مع التوال يقولوا زحاف

يحسبوا الشيخ ما يفيد * عدوه يخرف * مابين الصبح و العشية و الناس تشوف
يحسبوا الشيخ ما يفيد * عدوه يهترف * قالوا سيفه رشى حفى
و الشيخ أ سامع القصيد * ما زاله يهدف * سيفه براق فالثنية ديما معروف
يحسبوا الشيخ ما يفيد * كالثور الشارف * ارحاوا الموس في الخقا
و الشيخ أ سامع القصيد * ما هوش مكتف * ماهوش غنيمة الضحية ما هوش خروف
يحسبوا الشيخ ما يزيد * شملاله يوقف * كيفما عملوا ما كفى
و الشيخ أ سامع القصيد * يسكت و يساعف * راهي ما خفات له خفية كل شي مخلوف
ماني محساد لا جحيد * عمري ما نسخف * نمشيو نعيش بالصفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * واللي يبقى مع التوال يقولوا زحاف

غنيت شحال من قصيد * منظوم مستف * و الناسجميع عارفة
فني ما هوش مالمسيد * مانيش مثقف * قرانيالجوع و الحفا
خبزي مصنوع من سميد * ماهوش مسلف * داريماهيش تالفة
يشهد القريب و البعيد * ما نيش موالف * نهدر و نقول في القفا
عظمي ماهوش للكديد * مانيش محشلف * أرضيماهيش ناشفة
الصيد يموت ياك صيد * و لو كي يشرف * منهالذياب خايفة
اللي مقيود ما يقيد * يشد المقذف * في وسطرياح عاصفة
مول المنظوم و القصيد * ما هوش مطرف * منأهل الصدق و الوفا
ولد باب جديد بالوكيد * ببير جبح نحلف * التومي قال مصطفى
و اللي غناها عميد * فيها يتصرف * شيخالعنقا اذا كفى
عام السبعين لا تزيد * من بعد الالف * والبسع ميا مردفة
الجزاير عهدها جديد * سنجاق يرفرف * تميتو قلت بالشفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * واللي يبقى مع التوال يقولوا زحاف


قصيدة للمرحوم الهاشمي قروابي
روفا ذابل لعيان



روف آ ذابل لعيان يا بو حاجبين معرقة وزينة زور العشيق يزيك من التيهان يا غزيل بستاني

قلت آ سيد الغزلان يا من خدك للعاشقين فتنة جميع من يراك يحبك وأنا فنيت بيك آ سلطاني
يا عين الحسان يا من صال بوردات على الوجنة يا من سيوف عينك يطعنوا في صميم ذاتي وكناني

يا قد قضيب البان ما بين دواحو في رياض جنة مثل العلام ولاّ صاري ولاّ الرمح للطعن مثاني
آ عراض الغزلان آ عراض الغزلان ما في قلبك يا مالكي محنة لوكان يا غزالي هويت لأفلاك لكانت تهواني

يا تهليل السلطان من حازك لبساطو حاز الغنى يظفر بالتبر والياقوت ينال بيك ملك سليماني
زور نغنموا سلوان واعمل فيا يا بودلال حسنة وعلى محبتي لوكان يسجنوك ما تخالف ديواني

أنا البايت سهران وأنا اللي في قلبي مياة محنة على عداد ما في شفرك سيوف يا الطايع ادياني
لايمني سير وكان لازالت لإيام تجيبهوم لينا واللي عمل خير يصيبو وجميل لله الغاني

إذا ناح الورشان فوق اغصان الروض واشتكى بمحنة نشكي بليعتي حتى انا لله يا الزايد محاني
إذا ماست لأغصان وعليها الطير فوق الدواح غنى سالوا دموع عيني من وحش بهاك يا مكثر هجراني

يا من درى كان تبان يا بدرك ساكن في سماه وزنة راني نراقب كل ليلة ونهار كان تعطف لمكاني
خدك مثل العقيان وشفر حسام المهج كـ يتدنا أنا فعار داك الخال اللي فوق خدك اكواني

يا بو زندين ليان تمثيل دباج من الحرير لفنا لله من كفوفك جود عليا بكاس يحياو بداني
لا تغضب يا مزيان واعطف برضاك يا بو نجال عنا سبحان الخالق خلقك من العقيق والورد الفاني

دير معايا لحسان وعنا بيا بيك الكريم يعنا على الملاح يرفع ربي شانك إذا رفعتيلي شاني
اشكايا للرحمان يجمعني بيك في قريب نهنا والله يا غزالي ما غرضي فيك غير ننظر بعياني

خود سلوك الدهبان كل عقيقة فيها مياة معنى تمتيل العلمي نسلي لعشيق بألفاظ وزاني
يا ربي يا منان من علينا يا ذوالجلال منة بزيارة الحبيب اللي عمري ما نسيت ذكرو في لساني

القهوة والتاي

سرابة - رد
القهوة و التاي يا الفاهم
دخلوا مداعيين للقاضي شو صباح
قالوا له يا حاكم القدر
تحكم بيناتنا ولا تعمل حيلة

***

لأنك قاضي بلا دراهم
لا تقبل شي كراء ولا تعمل شي مزاح
حكمك من مولاي بالنصر
و أعطاك الله من احكامه الجليلة
قال: آتوا بكلامكم ثم
واللي عنده شي اخبار غير يعيد ويرتاح
واللي له الحق ينتصر
واللي مغلوب ياك يرضى بالقيلة

رد
انطق التاي للحاكم
قال : أنا اليوم عاد شرابي مباح
ما نشبه شي حالة الخمر
شربوني جميع الناس التفضيلة
نشفي من هو عليل ساقم
شربي للملاح فيه الراحة والراح
في شي ريحة من العطر
مع النعناع مخلط بالزنجبيلة

رد
في شي حكمة للألم
جميع اللي لقيته داخل في الاشباح
نزول الضر و الكدر
و نهبط جميع الماكلة االي ثقيلة
في زهو البال و الكرايم
الطلبة مخلطة والعلماء الفصاح
والبراد يشلوش النظر
و الكيسان ظراف زادوا لي تشعيلة

رد
و البقراج بحال الصوارم
و الصينية على كراسي عيدان ملاح
و البابور يفور بالجمر
و الشمع يضويوا كثير في هذه الليلة
شربوني الاشراف و الكرايم
اهل السر العظيم و الأولياء الصلاح
اهل الزهو والناس والقدر
ذوك اللي قاع ما فيهم تبديلة

رد
و انتي كيفاش يا الخادم
ضحيت تضادي لون الوان الوضاح
ما لك جاوبيني بالجهر
ياك انت غير خديمة قليلة
ما فيك لا نشوة ولا نسايم
يغيظوا فيك الفناجل همة و شباح
يواتيك فناجل الحجر
وإلا قدوح الطين موزون بكيلة

رد
قالت له : جزاك يا الشاتم
قصر من الكلام والا تتسمى مباح
انا اللي طبي مشتهر
نبري المريض من علاله الطويلة
نشفي من هو عليل ساقم
نبري من علايله من ضره يرتاح
نبري من الصداع والسطر
والسهرة تكون للنوم الطويلة

رد
كيف يكثر السهر يا الفاهم
ما يبقى من يساومك في سوقك براح
توالم للبعير والبقر
ياك انتي حشيشة مصبوغة كالنيلة
مر كما الحنضل في الفم
لو ما السكر ما يشربه حتى الصراح
جميع اللي يشربك ينقهر
و انا طبي نعالجه بالتحليلة

رد
قال القاضي كي تكلم :
يزيكم يا كرام قاع دواكم نجاح
لكن التاي خصايله كثر
ياك انتي رخيص سومك وسهيلة
التاي نزاهة مع الكرايم
الجلسة تزيد فيه همة و افراح
خلقه ربي كامل القدر
و اعطاه الله حسن الصورة الجميلة
رد
صلى الله على النبي وسلم
و على آله مع اصحابه الصحابة الرجاح
عمر وعثمان و بوبكر
انصار النبي مع على بو تفضيلة
نتوسل للغني الدايم
باهل السر العظيم والأولياء الرجاح
تغفرلي وجميع من حضر
وتنصرنا جميع في هذه الليلة




قصيدة للمرحوم كمال مسعودي
يا حسراه عليك يا الدنيا


يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف ودعات
طمعتيني ودرتي علي عندي جدي بالصحبات
شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلا قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات
المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات
نها كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث

قصيدة كيفاش حيلتي يا ناسي



قصيدة للمرحوم الكبير الباجي

يعيا اٍيجي النهار

يعيا اٍيجي النهار وين الشمس تدّرق ذاك النهار يــتــغــيّـــر يـرجـع لـيل
لابّــد الــقــمــر يـنــحــل ويـنـشـــق واًنـجــوم من سماها تـسـقـط واًتميل
يـقــوى حــس الـرعــد مـع لـبـــرّق مطار من سماها ويـدان اًتـســـيــــل
سـاعــة الاًخــيـــرة لابّــد تـلـحــــق فالدنيا ما يــبــقــى حـتــي جــيـــــل
قـد مـا تـعــاشــر لابــد اًتــفـــــارق يا سعد من فـعـــلــو فـعــل اًجــمـيـل
تزلزل دنـــيــة وتـتـــفـلّـــق لجـبـال تـركـع و تـخــشــــع
يعوم عـليـها بحــر الاًزرّق ما يبقى شى فــيــهـا يـنــفــع
لي مكذّب يـعــيـــا يـلـحــق بعينو يـشــوف الـشــي يخـلّع
ولـي مـاًمّــن ومُـــصــــدّق غدوى مـحــمــد فـيــه يـشـفع
من نار جهـنّم تــحــــــــرّق يمنـعــو ويـديـــرلـو تــاويــل
يـفــنــى كــل مــن عــلــيها مــرجــوعــنـا اٍلى الـتُــراب
نخرجو مرة خلاف مـــنـها نسيرو كـلـنـا لـلـحِــســـــاب
من دار سٍــيّــة يــلــقــــاهـا مسجّل كــلـــشـــي فـالـكِتاب
من كتّب الحق يــوزنـــهــا ميزان فصيح كامل وصواب
ما ينقص ولا يـــزيـــدّلهــا ولا يـبـدّل مـنــهـا تـبــديــــل
يوم الحِسـاب يـــوم العِـقاب الخلايّق واقــفــة تـسـتــنّـــى
خايّـف من شــدّة الـعـــذاب الكافر واقـــف يــتــمـــنـــى
يـتـمنى لو يعـــود تـــــراب ذاك النهار مـحــنـة ومـحـنة
ثوبو مزّق مـا وجّد اًشراب داخّل جهنّم مـا يـتـــهـــنـــى
وجهُ اًكـحـل كي لــغـــراب ومسكنو في واد الــمــحــنـة

يا ويح من فـعــلو فعل الشر ذاك النهار اًطويل واًصعيب
خمس اًميات اًلف سنة مقدّر العبد ليه العذاب اًقــريــــــب
يــوم لايـنـفـع مُــــدبّــــــــر لااًهل لاصحاب ولا حـبـيـب
غير قول الـسِــيــة يا سـتار الشهود مع الـــرقـــيــــــــب
يوم ينكشف وجـه الـكُــفّــار وفاعل الشر يــعـــود اًذلــيـل

يــوم الــحــساب كلها وفـعـلــو يا سعد من فعلو فعل الخـيـــــر
يــاك ربــي ِزيّــــن وحــــلــــو يفوت على الصِراط مثل الطير
ليه بيبان الـــجـــنّــــة يــنــحـلو يدخُلها واش اٍيــحّــب اٍيـــديـــر
تم يــبـــلـــغ حّــد وصـــلــــــو فارح زاهي بالنعيم اًكــثـــيــــر
يــخـــلـــد فــيـــها بـعــمـــالــو ولا يحوّل مــنــهــا تــحـــويــل
يتبع....

اتمنى ان تنال اعجابكم